Жарияланды: 120

Қазақстанда қандай жағдайда балалар үшін жәрдемақы төленеді

Қазақстанда қандай жағдайда балалар үшін жәрдемақы төленеді

Қазақстанда ата-аналар өзара дауласып жатыр. Оларға белгісіз автор атынан хабарлама келген. Хабарламада кәмілетке толмаған балалары бар ата-аналарға мемлекет тарапынан жәрдемақы төленетіні айтылған.

Хабарламада әрбір бала үшін бір АЕК көлемінде ақша төленетінін айтылған. Бұл аудио хабарлама желіде кең тарап кетті. Ай сайын 2269 теңге. Таспада қандай құжаттар керек екені де айтылған, деп хабарлайды stan.kz 31 арна-ға сілтеме жасап. 

Алайда Халыққа қызмет көрсету орталығының қызметкерлері бұл жаңалықтан бейхабар. Жұмыспен қамту орталығы мұндай мәліметтің жалған екенін айтты. Мамандар қандай жағдайда балалар үшін жәрдемақы алатынын тағы да атап өтті.

«Кәмілетке толмаған балалар үшін төленетін жәрдемақы отбасылық кіріс 60%-дан аспайтын болған жағдайда төленеді. Ол 1,05 АЕК, яғни 2382 теңге көлемінде», – дейді жұмыспен қамту және әлеуметтік бағдарламалар басқармасының жетекшісі Мейіржан Отыншиев.

Психологтар жалған хабарламаларды адамдар өзіне назар аударту үшін әдейі жазатынын айтады.

«Мұндай адамдарды өзгенің пікірі қызықтырмайды. Олар өзін ғана ойлайды. Соңы не болады деп те ойланып жатпайды», – дейді психолог Оксана Чолак.

Заңда әзілдеп жалған хабарлама таратқаны үшін 11 миллион теңгеден астам айпыппұл төлейтіні жазылған. Егер айыппұл төлемесе, заң бойынша 5 жылға сотталып кетуі мүмкін.

Пікір қалдырыңыз

[X]