Қорғаныс министрлігі қазақстандық әскери қызметшілердің ең төменгі жалақысы қанша екенін айтты

«Бүгінгі таңда офицерлерді марапаттау еселеп артты. Әскери қызметшілердің ақшалай қаражаттары 25%-ке көбейді. Қазір біздің офицерлер алатын ең төменгі жалақы 170 мың теңге, ал келісімшарт бойынша қызмет өткеретіндер 100 мың теңге алады. Бұрын жалақы айтарлықтай аз болатын», — деп мәлімдеді әділет полковнигі Қайрат Көпбаев.

Департамент басшысы жалақысы көбейгеннен кейін қазақстандық әскери қызметшілердің қызметті өткеруге деген ынтасы арта түскенін тілге тиек етіп, армияға барғысы келетіндердің саны жыл сайын 30 — 35%-ке артып келе жатқанын айтты. «Қазір армияда қызмет ету — абыройлы іс. Сондықтан да кандидаттарды іріктеу талаптарын қатаңдатамыз. Кандидаттардың психофизиологиялық күйіне ерекше мән беріледі», — деді Қайрат Көпбаев.