Сиви Ренатқа өздері бірге түскен "Соқыр махаббат" атты фильмде жалаңаш түрін көрсететін кадрларды қалдырғаны үшін қатты ренжіпті, деп хабарлайды Caravan.kz тілшісі. Осыдан кейін ол тура Абай даңғылының бойында Баситовтың көлігін алдын кесіп өтіп тоқтатып, гольфтың таяғымен ұра бастайды. Сиви Mersedes-тің сол жақтағы айнасын жұлады, терезелерін сындырады. Сосын "Ол кадрларды неге қалдырасың? Мен саған айттым ғой үш балам барын" деп айқайлайды. Сөйтеді де, таяғын лақтырып тастап, алда тұрған өзінің Lexus-ына мініп кетіп қалады. Бір қызығы, осы кезде көлігінің ішінде отырған Ренат оған ешқандай қарсылық көрсетпеген.
Бұл бейнекөріністі көргендердің көпшілігі мұның шын жағдай екеніне сенбей жатыр. Олар бұл аталған фильмге жарнама ретінде жасалған қойылым дейді. Жұрт соның өзін жетістіре алмапты деп күлуде. Расымен де, осы көріністі фильмнің пиаршылары шынайы етіп жасай алмаған. Себебі де қисынға келмейді. Өйткені кинотуындыда кадрларды қалдыратын Ренат емес, режиссері, монтаж жасайтын адамдар ғой. Сосын, ол Сивидің жақын досы. Актрисаның үш баласы барын әнші ешкім айтпай-ақ білуі тиіс.
