Қазақстанды шулатқан жалаңаш қыздардың жарнамасы туралы BBC жазды, деп хабарлайды Baq.kz ақпарат агенттігі.
Біраз күн бұрын қазақстандық Chocotravel турагенттігінің жалаңаш қыздармен шыққан жарнамасы интернетте біраз шу шығарған еді.
BBC-дің жазуынша, бейнеклипті Youtube қолданушылары 815 мыңнан астам рет қарапты.
Жалаңаш стюардессалар түскен Chocotravel компаниясының жарнамалық ролигі желіде тез тарады. Олар әуе билеттерін жалаңаш стюардессалар арқылы жарнамалаған.
BBC хабарлағандай, жалаңаш қыздармен шыққан роликтен кейін бір тәулік өткенде, әуе билеттерін сатумен айналысатын қазақстандық Chocotravel сервисі жалаңаш ерлер түсірілген жаңа роликті ұсынды. Бұл нұсқа 3 тамызда 131 мың рет қаралыпты.
«Көптеген жарнамалық роликтер ерекше назар аудартуға тырысады. Сарапшылардың айтуынша, Chocotravel мұны тым дөрекі көрсеткен», — деп жазады BBC.
