Жарияланды: 590

А. Мұхамедиұлы бастаған Астана жұртшылығы паралимпиадашыларды күтіп алды

А. Мұхамедиұлы бастаған Астана жұртшылығы паралимпиадашыларды күтіп алды

Рио-де-Жанейрода өткен XV Жазғы Паралимпиада ойындарына қатысқан Қазақстан спортшылары елге оралды. Паралимпиадашыларды күтіп алу үшін таңғы сағат 4-те Астана әужайының VIP-залына xалық көп жиналды.

Олардың арасында ҚР Мәдениет және спорт министрі Арыстанбек Мұxамедиұлы да болды.

Делегация құрамында Қазақстанға екі медаль алып берген Паралимпиада жүлдегерлері болды. Еске салсақ, отандық жүзуші Зүлфия Ғабидуллина еркін стильмен 100 метр қашықтыққа жүзуден әлем рекордын жаңартып, Тәуелсіз Қазақстан үшін Паралимпиаданың тұңғыш алтын медалін жеңіп алған болатын. Сондай-ақ 67 келіге дейінгі салмақ дәрежесінде өнер көрсеткен пауэрлифтер Раушан Қойшыбаева Ойындардың күміс жүлдегері атанды.

Айта кетейік, Риодағы Паралимпиада ойындарына Қазақстаннан барлығы 11 спортшы аттанған болатын. 

Пікір қалдырыңыз

Пікір қалдыру тіркелген пайдаланушылар ғана мүмкін