«Алматы» хоккей клубының бас бапкері өзгерді

Александр Высоцкийдің орнын енді команда жаттықтырушысы Олег Болякин басты. Қазақстанның еңбек сіңірген жаттықтырушысы О. Болякин алматылықтардың жаттықтырушылар штабына жазда бас менеджер болып Өскеменнің «Казцинк-Торпедо» командасының бас бапкерлігінен ауысып келген болатын. 1965 жылы 23 қыркүйекте Қарағандыда өмірге келген 47 жастағы бұл маман 1981-98 жылдары Қарағандының «Автомобилист», 1998-99 жылдары Хабаровскінің «Амур», 1999-2003 жылдары Орскінің «Южный Урал» клубтарында ойнады. Ал 2007-2008 жылдары Павлодардың «Ертіс», 2009-2010 жылдары Қарағандының «Сарыарқа», ал 2010-2012 жылдары Өскеменнің «Казцинк-Торпедосында» бас бапкер болып жұмыс жасады. Жалпы оның жаттықтырушылық қызметі 2003-2004 жылдары «Қазақмыс-2» клубынан басталды. 2009-2010 жылғы маусымда «Сарыарқа» командасымен ел чемпионы атанған ол сондай-ақ, жастар құрамасында 2004 жылы жаттықтырушы, 2005 жылы аға жаттықытрушы, 2006-209 жылдары бас бапкер болды. Ерен еңбегі үшін оған 2007 жылы Қазақстаның еңбек сіңірген жаттықтырушысы атағы берілген болатын.