Ақтөбеде кикбоксинг спортынан Қазақстан чемпионаты басталды

Облыстық туризм және спорт комитетінің төрағасы Мұрат Ескендіровтың хабарлауынша, чемпионатқа республикамыздың 12 облысы мен Өзбекстаннан 204 спортшы қатысуда. Ақтөбеде өтетін іріктеу сайысын қаржыландыру жұмысын облыстық кикбоксинг федерациясы өз мойнына алып отыр. М.Ескендіровтың айтуынша, чемпионат жеңімпаздары осы спорт түрінен әлемдік біріншілікте Қазақстанның намысын қорғайтын болады. Әлемдік чемпионат биылғы күзде Францияда өтеді деп межеленген.