Ең қызығы, бүгінгі матчта футболда кездесетін келеңсіз жайт орын алды: екі команда ойыншылары да бір-біріне автогол салып алды.
Бірінші таймда 0:1 есебімен жеңіліп жатқан «Астана» екінші таймда қатарынан екі гол салды. Қарсыластың қақпасына кірген алғашқы допты Астана ойыншысы Джуниор Кабананга қақпаға қарай тепкенде, «Галатасарай» ойыншысы Хақан Балтаның аяғы өз қақпасына гол кіргізді. Бірақ, матчтың екінші таймында «Астана» командасының қақпашысы Ненад Эрич те өз қақпасына өзі гол кіргізіп, «Галатасарай»-ға екінші гол сыйлады. Екінші тайм бастала сала қарсыласының қақпасына шабуылды үдеткен «Астана»-ның офсайдтағы бір голы саналмай да қалды. Алайда, ойынның соңғы минуттарында Рохер Каньястың тепкен добы «Галатасарай» қақпасынан табылды да, есеп 2:2-ге таңесті.
