Франциялық RTL арнасы шабандозды кеше кешкісін А8 тас жолында Ниццы қаласының маңында, ол көлікпен 203 км/сағ жылдамдықпен келе жатқанда ұстады деп хабарлады. Бұл сол жолдың учаскесінде рұқсат етілген жылдамдықтан 100 км/сағ-қа артық. Жағдай оның мас екендігінен соң одан сайын ушыға түсті. Қандағы алкоголь мөлшері франциялық заң рұқсат еткен мөлшерден тым асып кетіпті.
Кейбір БАҚ-тар хабарлағанына қарамай, Eurosport.fr сайты оның қанында есірткі анықталмағанын жазады.
В. Иглинский полицияға «Астана» командасының лидері, алдын Тур де Франс жарысында жарақат алған Александр Винокуровтың үйінде кештен шығып келе жатқанын айтыпты. Шабандозды полиция 1900 еуро кепілмен босатып және жүргізуші куәлігін алып қойыпты.
Оқиғаға қатысты шабандоздың өзі де, команда да әзірге ешқандай түсініктеме бермей отыр.