«Барыстың» қалқаны Еремеев 67 ойында өз қақпасына гол жіберген жоқ

Бұл ой­ын­да астаналық клубтың қақпасын Ви­талий Ере­меев қорғап, қонақтардың бірде-бір соққысын да­рыт­қан жоқ. Сөй­тіп, өз қақпасын «құрғақ» сақтап, «Ба­рыс» жеңіске жетті. Бұл - Еремеевтің спорт­тық карь­ерасындағы ҚХЛ мен оған дейінгі Ресей чем­пио­наттарын қоса ес­ептегенде 67-рет өз қақпасына гол жі­бермей, ойынды «нөлмен» аяқтауы. Әзірше 67 ойында өз қақпасына бірде-бір гол жібермей, «құр­ғақ» сақтап қал­ған ешкім жоқ, деп жазады «Алаш айнасы» басылымы. Еремеев қазір 37-ден асты. Сондық­тан биылғы маусымда бапкерлер оған көп күш салмай жүр. Тәжі­рибелі қақпа­шыны Қазақстан ұлттық құрамасының алдағы маңызды ойындарына сақтап жүрген де болар. Жақында Құрлықтық хоккей лигасы Еремеевтің осы ерен жетістігіне тоқталып өтіп, одан кейінгі орын­дағы екі қақпашының көрсеткіштерін де жариялады. Александр Ерёменко мен Василий Кошечкин әзірше 46 ойынды «нөлмен» аяқтап, өз қақпаларына гол жі­бермеген екен. Әрине, екеуі де Еремеевтен бірша­ма қалып қойған. Бірақ Ерёменко Қазақстан құрама­сының қақпашысынан бес жас кіші болса, Кошечкин сегіз жас кіші.