Батысқазақстандық пауэрлифтинг шебері Т.Жукова Азия чемпионатында ел намысын қорғайды

Т.Жукова - Қазақстан мен Азияның бірнеше мәрте чемпионы. Облыстық туризм, дене шынықтыру және спорт басқармасынан түскен мәліметке қарағанда, таяуда ол Көкшетау қаласында өткен кезекті ел біріншілігінде 57 келі салмақта ел рекордын 12 мәрте жаңартып, чемпион атанды. Сондай-ақ аталмыш жарыста 105 келі салмақта Сергей Шуилин, 83 келіде халықаралық дәрежедегі спорт шебері Владимир Шкирман алтыннан алқа тақты. Аман Қапышев (74 кг) пен Виталий Потехин (93 кг) күміс жүлдені еншіледі.