Бейбіт Жұқаев Қазақстанның екінші ракеткасы атанды

АҚШ-та Шарлотсвилл челленджер турнирінде үздік шыққан Бейбіт Жұқаев 247-ден бірден 52 сатыға жоғарылады.

Кәсіби теннисшілер қауымдастығы (ATP) жекелей және жұптық сында жаңартылған әлемдік рейтингті жария етті, деп хабарлайды Caravan.kz медиа-порталы Turkystan.kz сайтына сілтеме жасап.

Қазақстанның бірінші ракеткасы Александр Бублик 33-тен 32-ге көтерілді.

АҚШ-та Шарлотсвилл челленджер турнирінде үздік шыққан 23 жастағы Бейбіт Жұқаев 247-ден бірден 52 сатыға жоғарылап, әлемнің 195-інші, Қазақстанның екінші ракеткасы атанды.

Михаил Кукушкин 213-те қалса, Тимофей Скатов 211-ден 216-ға, Денис Евсеев 238-ден 239-ға сырғыды.

Париждегі мастерс жарысының чемпионы болған Новак Джокович бұрынғыша көш бастаса, испаниялық Карлос Алькарас екінші, ресейлік Даниил Медведев үшінші орында тұр.

Әріптестер жаңалығы

Пікір қалдырыңыз