БОКС: Азия чемпионатының финалына бес боксшымыз шықты

Боксшы Олжас Сәттібаев Бангкокта өтіп жатқан жарыста ақтық сынға жолдама алған алғашқы қазақстандық болды.

Қарсыласы қырғыз өкілі Азат Усеналиевпен (салмақ дәрежесі -  52 келіге дейін) кездескенде барлық төрешілер қазақстандықты жеңіс тұғырына шығарды. Есеп 3:0 (30:27, 30:27, 30:27). 

81 келі салмақ дәрежеге дейін өнер көрсететін Әділбек Ниязымбетов жартылай финалда ирандық Хассан Шахинимен кездесті.

Әділбек 3:0 (30:27, 30:27, 30:26) есебімен жеңіп финалға шықты.

Данияр Елеусіновтің қарсыласы моңғол  Тувшинбат Бямба осал болмады. Алайда жерлесіміздің күші басым түсті. Есеп 3:0.

60 келіге дейінгі салмақ дәрежесінде жапониялық Дайсуке Нариматсуді  жеңген Зәкір Сафиуллин ақтық сынға жолдама алды.

Жартылай финалда ауыр салмақта өнер көрсететін Иван Дычко Хуссейн Яшаиштен басым түсті. Есеп 3:0 (30:26, 30:26, 30:25).