Жарияланды: 40

Бүкіләлемдік көшпенділер ойынында Қазақстан жүлделер көшбасшылығын жіберіп алды

Бүкіләлемдік көшпенділер ойынында Қазақстан жүлделер көшбасшылығын жіберіп алды

Қазақстан құрамасында 32 жүлде.

Қазақстан құрамасы Қырғызстанда өтіп жатқан Бүкіләлемдік көшпенділер ойнының үшінші күінің (4 қыркүйек) қорытындысы бойынша командалық есепте үшінші келеді, - деп хабарлайды Vesti.kz.

Бұл күні қазақстандық спортшылар екі алтын, екі күміс және тоғыз қола иеленді. Қос алтын да қазақ күресінен Әбілқайыр Мәуленин (70 келіге дейін) және Ерсұлтан Мұзафаров (90 келіге дейін).

Күміс жүлдені Дарья Нестерова (мас-рестлинг, 85 келі) және Хайранхаана Шанку (арқан тартыс, жекелей жарыс).

Қола жүлделерді Медет Есбулаев (мас-рестлинг, 60 келі), Темірлан Шәмет (мас-рестлинг, 70 келі), Вячеслав Старков (мас-рестлинг, 105 келі), Александр Краснов (мас-рестлинг, 125 келі), арқан тартудан Қазақстан құрамасы (командалық жарыс), Серікбек Күнтуғанұлы (бүркіт салу), Нұрдәулет Жарылғапов (қазақ күресі), Әділет Шалғынбекұлы (түркмен гураш (белбеу курес), 62 келі) және Амандық Абылай (түркмен гураш (белбеу курес), абсолют салмақ).

Осылайша, Қазақстан құрамасының активінде 32 жүлде, оның тоғызы алтын, тоғызы күміс және 14 қола. Бүкіләлемдік көшпенділер ойнының көшбасшысы әзірге Қырғызстан (15 алтын, 15 күміс, 13 қола). Екінші орында Ресей - 11 алтын, бес күміс және 8 қола.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть