Олимпиада ойындарының чемпионы Данияр Елеусінов 28 сәуір күні Нью-Йорк қаласындағы Barclays Center спорт кешенінде өтетін бокс кешінің алдында баспасөз отырысына қатысты, деп хабарлайды Vesti.kz порталы.
Астана уақытымен бокс кеші 29 сәуір күні таңертең өтеді. 27 жастағы Елеусінов орта салмақтағы америкалық Дэниел Джейкобс (33-2, 29 КО) пен полшалық Мацей Сулецки (26-0, 10 КО) арасындағы бокс кешінің андеркартында өнер көрсетеді.
"Маған үнемі қолдау білдіріп отырған командам мен қазақстандық жанкүйерлерге алғысымды айтым келеді. Сенбі күні Barclays спорт кешенінде өтетін бірінші кездесуімді асыға күтіп отыр", — деді Елеусінов баспасөз жиыны кезінде.
Еске салайық, наурыз айының басында Елеусінов Джейкобстың жекпе-жектерін ұйымдастыратын атақты британдық промоутер Эдди Хирнмен келісімшарт жасаған еді. Келісімшарт бойынша қазақстандық боксшы бірінші жылы жеті кездесу өткізуі керек.
Ұқсас тақырып:
