Футбол: «Ақжайыққа» серб қақпашысы Неманья Джоджо келмек
|
Сербиялық қақпашы Неманья Джоджо бұл күндері Анталияда оқу-жаттығу жиынын өткізіп жатқан Оралдың «Ақжайығына» келіп, бақ сынап көрмек. |
«Ақжайық» футбол клубынан түскен мәліметке қарағанда, өткен маусымда сербиялық легионер қызылордалық «Қайсардың» намысын қорғаған болатын, оған дейін бельгиялық «Шарлеруада» ойнаған.
Аталмыш жиында «Ақжайық» құрамында тағы үш қақпашы бар. Олардың бәрі де - Орал футболының түлектері Роман Багаутдинов, Стас Покатилов, Андрей Неупокоев.
Алдағы күндері команда төрт жолдастық кездесу өткізеді. Әзірге «Ақжайықтың» бас бапкері мәселесі шешілген жоқ.
Оралдық команда биылғы чемпионаттағы алғашқы кездесуін 9 наурызда ел чемпионы «Шахтермен» (Қарағанды) өз алаңында өткізеді.
Пікір қалдырыңыз
Пікір қалдыру тіркелген пайдаланушылар ғана мүмкін