Футболдан ел чемпионатының бірінші кезеңінің күнтізбесі бекітілді

Премьер-лигада бақ сынайтын Алматы қаласының «Қайрат» футбол клубының ғаламтордағы сайтындағы хабарламаға қарағанда, олар ел чемпионатындағы алғашқы ойынын 9 наурызда өткізеді. Оның қарсыласы Талдықорғанның «Жетісу» командасы болмақ. Өткен жылғы чемпионатта турнир кестесінде алматылықтар 14 команданың арасынан 26 ойында 29 ұпаймен 10-шы орын алды. Ал талдықорғандықтар 23 ұпаймен 12-ші сатыға тұрақтады. Жаңа маусымға дайындық кезінде жаңадан тағайындалған словакиялық бас бапкер Владимир Вайсстың жетекшілігімен Түркиядағы алғашқы жиында ел чемпионы атанған Қарағандының «Шахтерін» 2:0 есебімен ұтқан болатын. Ал 17 желтоқсанда Ресейдің Нальчик қаласының «Спартак-Нальчик» командасымен 0:0 есебімен тең түсті. Қазір олар 8 қаңтардан бері Түркиядағы екінші жиынын өткізіп жатыр. Ал талдықорғандық команданың ғаламтордағы сайтында олардың әзірліктері туралы мағлұмат өте мардымсыз.