Жарияланды: 40

«Канело» Головкинмен үшінші айқасқа дайын екенін мәлімдеді

«Канело» Головкинмен үшінші айқасқа дайын екенін мәлімдеді

 

WBC және WBA Super нұсқалары бойынша екінші орта салмақтағы әлем чемпионы мексикалық Сауль «Канело» Альварес (54-1-2, 36 КО) желтоқсанда қазақстандық Геннадий Головкинмен (42-1-1, 36 КО) айқасуы мүмкін екенін жоққа шығармады, деп хабарлайды Sports.kz.

Жексенбіде Альварес түркиялық міндетті үміткер Авни Йылдырыммен (21-2, 12 КО) айқасады, мамырда коллекциясын британдық Билли Джо Сондерстің (30-0, 14 КО) WBO титулымен толықтыруға тырыспақ, ал қыркүйекте абсолютті чемпион атағына жетпей тұрған америкалық Калеб Плантаның (21-0, 12 КО) IBF белбеуін тартып алуға тырысады.

«Кез келген нұсқаға дайынмын. Бастысы боксшының мықты болғаны, жанкүйерлерді айқас қызықтырып тұруы керек. Егер оларға Головкинмен үшінші жекпе-жек керек болса, неге жасамасқа?», - деді Альварес.

Еске сала кетсек, 2017 жылдың қыркүйегінде Головкин мен Альварес тең түсті, ал тура 12 ай өткеннен кейін «Канело» аздаған ұпай айырмашылығымен жеңіске жеткен болатын.

Пікір қалдырыңыз

Пікір қалдыру тіркелген пайдаланушылар ғана мүмкін