Жарияланды: 400

Хоккей: Бүгін «Барыс» өз айдынында «Авангардты» қабылдайды

Бүгін астаналық «Барыс» командасы өз айдынында Омбы қаласының «Авангард» құрамасымен кездеседі.

Айта кеткен жөн, «Барыстың» жігіттері сырт алаңда өткізген соңғы үш ойында да ұтылып қалды. Қазіргі кезде біздің командада 32 ұпай бар. Құрлықтық хоккей лигасының Чернышев дивизионында біз бесінші орындамыз. Ал «Авангард» аталған дивизионда көш бастап тұр. Оның еншісінде - 38 ұпай. Әрине, «Барыс» үшін бүгінгі ойын қиынға соғады. Дегенмен, бұған дейін оның өз айдынында қатарынан үш рет жеңіске жеткендігін ескерсек, бұл кездесуде де жанкүйерлерін жерге қаратпайды деген сенім басым болып тұр. Бүгінгі ойын кешкі сағат 19:00-де басталады. Оны «Астана» телеарнасынан тікелей эфир арқылы көруге болады.

Пікір қалдырыңыз

Пікір қалдыру тіркелген пайдаланушылар ғана мүмкін