Максим Баклашкин - студенттер арасындағы әлем чемпионатының қола жүлдегері

Қазақстандық Максим Баклашкин Польшаның Закопан қаласында өткен студенттер арасындағы коньки спортынан әлем чемпионатында 1500 метр қашықтықта қола жүлдегер атанды, деп хабарлады Vesti.kz.

Елордалық спортшы бұл қашықтықты 1 минут және 53,44 секундта еңсеріп, поляк Ян Шуманскиге (1:50,25) және норвег Эспен Твейтке (1:52,66) жол берді. Қазақстанның тағы бір өкілі Виталий Мальгинов 15-ші (1:58,34) болып келді. Сондай-ақ Баклашкин 5000 метрлік қашықтықта 11-ші болды. Бұл қашықтықта қазақстандықтардан бесінші болып келген Никита Ставцев жақсы нәтиже көрсетті. Мальгинов - 12-ші, ал Максим Сергиенко - 13 орындарды қанағат тұтты.

Әріптестер жаңалығы

Пікір қалдырыңыз