Өскеменде облыс әкімінің жүлдесі үшін Халықтық спорт ойындары басталды

Өскеменнің «Восток» стадионында кеше кешке облыс әкімінің жүлдесі үшін кезекті халықтық ойындар мен «Сәулетай» балалар спорттық ойындары басталды. Жарыстардың барлығы да Қазақстан Республикасы тәуелсіздігінің 20 жылдығына арналған. Биылғы маусымда 21 спорт түрінен өткізілетін ойындарға екі мыңға жуық спортшы қатысып отыр, олардың ішінде 800 бала мен жеткіншек жеті спорт түрі бойынша бақ сынауда.