Жарияланды: 30

Қазақстандық Мәдиев WBO титулы үшін айқаста пуэрторикалық "Зорродан" жеңілді

Қазақстандық Мәдиев WBO титулы үшін айқаста пуэрторикалық "Зорродан" жеңілді

Қазақстандық боксшының ісін Golden Boy жүргізеді.

Қазақстандық боксшы Руслан Мәдиев Пуэрто-Рикода өткен бокс кешінде "Зорро" лақап атты жергілікті Даниэлито Зорильядан жеңілді,- деп хабарлайды Vesti.kz.

Он раундқа есептелген айқаста бірінші жартылай орта салмақтағы WBO NABO титулы сарапқа салынған еді.

Жекпе-жек сегізінші раундта тоқтады. Мәдиев қарсыласының қарақұсынан соққы жасады, дәрігерлердің кеңесінен кейін Даниэлито айқасты жалғастырмайтын болды. Осылайша, үш төрешінің екеуі пуэрториколық боксшы басым болды деген шешіммен Зорилья жеңді.

Қазақстандық боксшы үшін бұл карьерасындағы екінші жеңіліс, 13 кездесуінде ол жеңіске жеткен. Ал оның қарсыласы 15 кездесуінің бәрін сәтті өткізіп, жеңіліссіз келеді.

Пікір қалдырыңыз

Пікір қалдыру тіркелген пайдаланушылар ғана мүмкін