Онда қазақстандық Юрий Щукин жекелей сында ширек финалға шықты. Ол алғашқы айналымда жарыс қожайыны Джулиан Ленцті 6:2, 7:5 есебімен ұтқан болатын. Екінші айналымда француз Винсент Миллоттан ( 6:3, 6:4) басым түсті. Ширек финалда Юрий енді испандық Альбер Рамос пен серб Илья Божович арасындағы кездесудің жеңімпазымен кездеспек. Қазақстандық теннисші екінші айналымда Халықаралық кәсіпқой теннисшілер қауымдастығының (АТР) рейтингінде ұпай қорын 6 ұпайға ұлғайтып, 530 еуро көлеміндегі жүлде алуға мүмкіндік алды. Енді Турнир жеңімпазының есімі 26-маусымда белгілі болады. Қазір Юрий Щукин АТР рейтингінде 140-шы, Альбер Рамос 100-ші, Илья Божович 195-ші сатыда тұр. Жалпы бұл дүбірлі доданың жеңімпазы 26-маусымда белгілі болады.