Қазақстандық теннисші «UniCredit Czech Open» турының жеңімпазы атанды

ҚР Теннис федерациясы таратқан хабарламаға қарағанда, жүлде қоры 106,5 мың евроны құрайтын бұл дүбірлі доданың ақтық сынында Юрий итальяндық Флавио Киполланы (6:4, 4:6, 6:0), жартылай сында жарыс қожайыны Радек Штепанекті (3:6,6:3,6:4) ұтқан еді. Оған дейін ширек финалда ресейлік Михайл Южныйды, 1/8 финалда италияндық Филиппо Воландриді, ал 1-мачта ресейлік Константин Кравчукты тізе бүктірді. Жалпы АТР рейтингінде Юрий 159-шы, Флавион 114-ші, Радек 57-ші, Михайл 17-ші, Филиппо 86-шы, Константин 158-ші орында тұр. Осы жеңісінен кейін қазақстандық теннисші 125 рейтингтік ұпайға ие болып, АТР рейтингінде 137-ші сатыға көтерілді. Бұл оның биылғы маусымдағы алғашқы, ал спортшылық мансабында «Челенджер» сериясындағы 8-ші туры.