Қазақстандық жағажай волейболшылары Азия чемпионатында ерлер арасында да, әйелдер арасында да үздік бестікке енді

Оған ерлер арасында - 20, әйелдер арасында - 13 команда қатысқан болатын. Қазақстан намысын бұл бәсекеде әйелдер арасында Татьяна Машкова мен Ирина Цимбалова, ерлер арасында Алексей Сидоренко мен Александр Дьяченко және Дмитрий Яковлев пен Алексей Кулешов жұптары қорғаған еді. Алексей мен Александр ширек финалда ирандықтарға, Татьяна мен Ирина жарыс қожайындарына ұтылып, 5-ші орын алды. Ал 1/8 финалда командалас достарына есе жіберген Александр мен Дмитрий 9-шы орынды қанағат тұтты. Жалпы есепте ерлер арасында австралиялықтар Азия чемпионы атанды, ал Қытай мен Индонезия спортшылары күміс және қола жүлдені иеленді. Әйелдер арасында қытайлықтар алтын және қола жүлдені, вануатулықтар күміс жүлдені еншіледі.