Қостанай футболшылары түркиялық «Ордуспор» командасымен жолдастық кездесу өткізеді

Бүгін Түркияның Сиде қаласында жергілікті уақыт бойынша 15:00-де «Тобыл» футбол командасы екінші оқу-жаттығу жиыны аясындағы алғашқы жолдастық кездесуін өткізеді.

Қостанайлықтардың қарсыласы Түркия Суперлигасында өнер көрсететін Орду қаласының «Ордуспор» командасы болмақ. 4 қаңтар күні Костанай-Челябинск-Мәскеу бағыты арқылы Түркияға аттанған «Тобылды» бұл жиынға жаңадан тағайындалған бас бапкер Сергей Масленов бастап барды. Сиде қаласындағы «Blue Waters» мейманханасына жайғасқан олар алғашқы жаттығуды 6 қаңтарда бастаған еді. 22 қаңтарға дейін 4 кездесу өткізу жоспарланып отыр. Түркиялықтардан кейінгі қарсыластары Украина мен Ресей командалары болмақ.

Әріптестер жаңалығы

Пікір қалдырыңыз