Бұл туралы Caravan.kz медиа порталы хабарлайды.

Қазақстандық боксшы Санжар Тәшкенбай Ливерпульдегі (Ұлыбритания) әлем біріншілігінің ширек финалында жеңіске жетті.

Былғары қолғап шебері 50 келіге дейінгі салмақтың 1/4 финалында Сингх Мандегбаммен (Үндістан) өзара мықтыны анықтады.

Санжар Тәшкенбай бірінші үш минуттықта тізгінді қолына алды. Жекпе-жектің соңына дейін басымдығын сақтап қалған жерлесіміз еш қиындықсыз жеңіске жетті.

Осылайша, Санжар Тәшкенбай (50 келіге дейін) 13 қыркүйек боксшымыз Алехандро Кларо Физбен (Куба) жекпе жек өткізіп, әлем чемпионатының финалына шығу үшін бақ сынайды.