Шавкат Рахмонов UFC-мен жаңа келісімшартқа қол қойды

 Жеңілмеген қазақстандық файтер Шавкат Рахмонов Twitter парақшасында UFC-мен жаңа келісімшартқа қол қойғанын хабарлады, деп жазды Caravan.kz медиа порталы Sputnik.kz-ке сілтеме жасап. 

Келісімшарт аясында бірнеше жекпе-жек өтеді. Алайда келісімшарттың шарттары мен сомасы жарияланбады.

Еске сала кетсек, ақпанда Шавкат Рахмонов (15-0) UFC-дің жартылай орта салмақтағы алғашқы 15-тікке енген болатын. Рахмонов гайандық Карлстон Харристі жеңгеннен кейін құрметті жоғары орынға ие болды.

Рахмонов келесі қарсыласын жариялады. Рахмонов пен америкалық Нил Магнидің кездесуі 25 маусымда өтеді.