Тайсон Фьюри Кличкодан тартып алған IBF титулынан айырылды - kaz.caravan.kz
  • $ 478.58
  • 520.84
+17 °C
Алматы
2024 Жыл
19 Шiлде
  • A
  • A
  • A
  • A
  • A
  • A
Тайсон Фьюри Кличкодан тартып алған IBF титулынан айырылды

Тайсон Фьюри Кличкодан тартып алған IBF титулынан айырылды

Британдық боксшы Тайсон Фьюри ХБФ (IBF)  тұжырымы бойынша әлем чемпионы титулынан айырылды.

  • 9 Желтоқсан 2015
  • 355
Фото - Caravan.kz


Бұл туралы IBF  бойынша чемпиондық айқастарды өткізу комитетінің төрағасы Линдси Такер  мәлімдеді, деп хабарлайды BBC. 

«Фьюри IBF титулына үміткер Вячеслав Глазковпен жекпе-жек өткізуі тиіс болатын, алайда оның орнына боксшы Владимир Кличкомен қайта айқасуға келіскен», — деп түсіндірді Федерация шешімін Такер.

27 жастағы Фьюри IBF тұжырымы бойынша чемпион атанғанына екі апта ғана болғаны атап өтіледі. 6 желтоқсанда Фьюри спортшылар арасындағы қарымта кездесуде украиндық боксшыны тас-талқан ететінін мәлімдеді. 2 желтоқсанда Кличко келісімшарттағы опцияны пайдаланып, 2016 жылы Фьюриге қарсы қарымта кездесу өткізетінін айтқан болатын. Жекпе-жек мамыр немесе маусымда өтуі мүмкін. Фьюри 29 қарашаға қараған түні Кличкодан басым түсіп, IBF, IBO, WBO және   WBA тұжырымдары бойынша әлем чемпионы титулдарын еншілеген еді.