В. Кличко өзінің жаңа бапкерінің есімін атады

IBF/IBO/WBA/WBO версиясы бойынша аса ауыр салмақтағы әлем чемпионы Владимир Кличко бокстан өзінің жаңа бас жаттықтырушысының есімін ресми түрде мәлім етті.

Ол - марқұм Эмануэль Стюардтың шәкірті - 30 жастағы Джонатон Бэнкс, деп хабарланды www.svit24.net. сайтында. В. Кличко: «Ол Джонатон Бэнкс болатынын әу бастан білгенмін. Бұл адам Стюардтан көп нәрсені үйренді», - деп атап өтті. Владимир Д. Бэнкспен 9 жыл бұрын танысты. Стюардпен де сол уақытта танысқан болатын. Бэнкс бокстасуға әлі де шығып жүр және ол Владимирдің тұрақты спарринг-әріптесі болып табылады. Еске салайық, Д. Бэнкс Стюардтың нашар денсаулығы туралы белгілі болғаннан кейін Владимир Кличконы Мариуш Вахқа қарсы жекпе-жекке дайындай бастаған болатын. Вахпен жекпе-жек 10 қарашада Гамбургте өтеді. Бэнкс бокстағы өзінің жеке карьерасын жалғастыра беретін болады. Оның Сетт Митчеллге қарсы айқасы 17 қарашада АҚШ-та өтеді.

Әріптестер жаңалығы

Пікір қалдырыңыз