Жоғарғы лиганың «А» тобындағы әйелдер командалары өскемендіктер өз алаңында көш бастауда
Өскеменде волейболдан Жоғарғы лиганың «А» тобындағы әйелдер командалары арасында ел чемпионатының 2-ші туры өтіп жатыр. |
Алғашқы 3 кездесудің қорытындысы бойынша қазір алаң қожайындары («Шығыс-ҚорғасынҚұрылыс») 22 ұпаймен көш бастап келеді. Үздік үштікті «Қостанай» (19 ұпай) мен «Грация-Астана KZ» (14 ұпай) командалары түйіндеуде. Ал Теміртаудың «Спартак АМТ» (9 ұпай), Павлодардың «Ертіс-Қазхром» (5 ұпай) мен «Қарағанды-2» (3 ұпай) турнир кестесінің екінші жартысында келе жатыр.
Бүгін енді «Грация-Астана KZ» пен «Спартак АМТ», «Ертіс-Қазхром» мен «Қарағанды-2», «Шығыс-ҚорғасынҚұрылыс» пен «Қостанай» өзара күш сынасады. Ал ертең ақтық ойында қостанайлықтар астаналықтармен, теміртаулықтар павлодарлықтармен, қарағандылықтар өскемендіктермен кездесетін болады.
Пікір қалдырыңыз
Пікір қалдыру тіркелген пайдаланушылар ғана мүмкін