Жарияланды: 2600

«Қазақстанда Ислам мен Христиан діні бірігеді»: Өзін Алланың елшісімін дейтін діндар ашық сұхбат берді

«Қазақстанда Ислам мен Христиан діні бірігеді»: Өзін Алланың елшісімін дейтін діндар ашық сұхбат берді

Өзін Алланың елшісімін дейтін Бақытбай Сейітов ашық сұхбат берді

Әлеуметтік желі арқылы өзін өзі Алланың елшісімін деп таныстырып жүрген Бақытбай Сейітов Caravan.kz медиа-порталына сұхбат беріп, өз ойымен бөлісті.  

- Алдымен әлеуметтік желідегі соңғы жазбаларыңыздан бастасақ, онда Құрбанәлі Ахметті екіжүзді деп қаралапсыз, неліктен?

- Оның ісі сай келмейді емес. Жалпы ол Алланың елшісі келгенін біледі. Бірақ өзінің амбициясы бар. Сондықтан дәлелді, нақты сұрақтарға жауап бере алмай жатыр. Мысалы, аруақ деген не, рух деген бөлек нәрсе, жан деген бөлек нәрсе. Бәрінің өзінің дәлелдемесі бар, болмысы бар. Адам оны айта алмайды, өйкені білмейді. Ол адам негізі білімі жақсы, шариғат жағынан да оқыған, мұғалім болған. Исламның төңірегінде ғана біледі. Ал одан бөлек ештеңе білмейді. Бірақ білдім деп көрсеткісі келеді де қиялға кіріп кетеді. Бәрін білу мүмкін емес. Мысалы пайғамбарлардың өздері де бірінің білгенін бірі білмейді. Бәрін білетін Алла ғана. Әр пайғамбар, әр елші өзінің миссиясымен келеді, сол миссияны біледі. Ал одан оңға, солға артық білмейді. Білеуге тыйым салынған. Жер бетінде жүрген ұстаздар да. Бірақ солар жан-жақты көп білгіш болып кетеді. Сосын көпшілік алдында сұрақ қойылғанда білмеймін деп айтуға ұялады да, білдімге салады және фантазияға салынады.Сөйтіп сөйтіп ол өзіне ұнай бастайды, ел оны тыңдай бастайды. Ақыры адам өз шатысады.

Ислам дінінде рух деген нәрсе берілмеген. Мұхаммед пайғамбардың өзіне берілмеген. Өйткен рух деген нәрсенің бәрін Иса пайғамбарға берген. Рухани білім Христин дінінде. Сондықтан Иса ол рух болғандықтан ол өте астарлап айтады. Көпшілік оны түсінбеген. Ол өзі де кеттерінде «мне нужно уходить, потому что вы меня никогда не вместить в себя», деп.

Сонымен ол тақырып жабылады. Одан кейін шариғат исламға беріледі. Исламға бірақ рух мәселесі берілмейді. Қайталап не керек, себебі Исаға берілді. Бірақ әрбір молда аруақ деген ширк деп өз ісі емес нәрсеге бас сұғады. Сол секілді жаңағы Құрбанәлі көп жыл еңбек еткен, білімі жақсы, шариғи, ислами білімі мықты адам. Бірақ руханият әлемінде, жан, аруақ деген білімі нөл. Соңғы бір видеосында дұға жасап отыр ғой. Сол жерде ол анық қиналып отыр. Ол құдайдың, рухтың, елшінің, жан туралы ештеңе білмейтінін мойындап отыр. Неге екіжүзді. Өйткені ол біледі Алланың елшісі келгенін. Бірақ ол тоң мойындыққа салынып, «кім ол сонша» деп мойындамай отыр. Мысалы маған келмей отыр.

- Қай елшіні айтып отырсыз?

- Мен елшімін. Екіжүзді дейтінім ол біліп отыр, жер бетіне елші келгенін. Соны біле отырып білмегендей болып құдайдан сұрайды. Маған бер, маған бер деп сұрап отыр. Өйткені елшімен арасында бақталастық бар. Әрбір сопы арқылы оған сәлем айтқанмын. Менің алдыма кел, өйткені фантазияң көбейіп барады деп. Бұлардың бәрінде пенделік бар. Әрқайсысы жинап алған қауымын қызғанады және амбициясымен пайғамбар болсам деген жасырын қалауы бар. Әрқайссы өз қауымын бөліп алып билемекші. Ондай жағдайдан соң халық адасады. Осы жағдайдан соң қазақ еліне елші беріп отыр.Ал бірақ оны тыңдап отырған ешкім жоқ. Неге? Өйткені немене, жер бетіне адамды жіберіп пе біз тұрғанда, деген әңгіме олардыкі.

- Жаңағы қызғаныш деген сөзіңізден шығады, шын мәнінде бұл екеуіңіздің араңыздағы бақталастық немесе көре алмаушылық емес пе?

- Жоқ, не үшін оны көре алмаймын. Мен Алланың елшісімін. Ол бәрін мойындап маған келуі керек. Мен бәрінің қателіктерін түсіндіремін. Осы Қазақстандағы секта, бөлініп жүрендер көп қой қазір. Жетпіс үш қауымға бөлініп алған. Соның бәрінің қатесі белгілі. Солардың бәрін көзін шұқтып тұрып айтуға болады. Олар сол үшін менен қашады. Ешқандай бақталастық жоқ. Тек мен қатты айтамын. Өйткені ақиқатын айтпасаң ақымақтықа айналып кетеді.

- Сіз өзіңізді Алланың елшісімін дейсіз, оныңыз пайғамбармын деген сөзіңіз ба?

- Жоқ, екеуі екі бөлек нәрсе.

- Қай кезден бастап елшімін деп жүрсіз?

- Елшімін деп жүрген жоқпын. Елшімін деп айтпаймын да, жүрмеймін де. Алла оны елші қылып жіберген.

- Қай кезде жіберді?

- Оны қайтесің. Бір талай уақыт болды.

- Ал сізді елші деп мойынсұнып жатқандар бар ма?

- Былай ғой Мұхаммед пайғамбардың кезінде басында оған жуынды төкен, Меккеден таспен қуған. Иса пайғамбарды асып өлтірмекші болған. Мені боқтап, борағаннан басқа ешкім жоқ. Бар енді бірен саран. Жүз шақты адам болып қалады. Енді ол теңізге тамған тамшыдай ғана. Иса пайғамбардың өзін 12 адам қабылдаған ғой. Мұхаммед пайғамбар да өзін ешкім мойындамай, жалғыз жалыққанда Алладан аян түскен ғой, «тос» дейді. Алладан жәрдем түскен күні адамдардың топ-тобымен ергенін көресің дейді. Алладан жәрдем түскен күні Қазақстанда толық бір-ақ дін болады. Христиан діні мен Ислам дінінің басы қосылады. Қосылғанда да жай әкеп қосыла салмайды ғой. Ол үшін моральды тұрғыда эстетикалық тұрғыда түгел түзелу керек, адам баласының пиғылы түзелу керек. Исламдағы біз ғана дінбіз, қалғаны жойылу керек деген сөздер тыйылу керек. Ортақ түснік болады, сол кезде ғана олардың арасындағы өтіріктер мен жалғандықтар алынады, шындық пен ақиқат қалады. Ақиқат қосады бәрін. Қазақстан жерінде ислам мен христиан діні қосылып «научная религия истина» орнайды.

- Анкетаңызда діни сеніміңізге байланысты «біз жеңеміз, екі дінді біріктерімз» деп жазыпсыз, сондағы айтқаныңыз осы мәселе ме?

- Осы мәселе.

- Екі діннің басы қосылуы мүмкін бе?

- Мүмкін емес, міндетті. Біз дегеніміз кім? Біз дегеніміз Алла және оның елшілері. Құранда жазылады біз жараттық адам баласын. Алла және оның қасындағы әскері деп.

- Исламда соңғы пайғамдар Мұхаммед дейді. Сіз пайғамбар емеспін, бірақ елшімін дейсіз, оны қалай түсінеміз?

- Құранда ол туралы бір сөз бар Мұхаммед Алланың елшісі және пайғамбарлардың соңы деген. Пайғамбарлық жоқ, тоқтаған. Ал елшілік жалғасады.

- Қазақта тағы елшілер бар ма сізден басқа?

- Болуы мүмкін.

- Нақты білмейсіз ғой оны?

- Жоқ, ол өз кезінде айтылады. Ал бірақ міндетті түрде христиан әлемімен, ислам әлемімен жұмыс істеп жатқан елшілер бар негізі. Бірақ оларды маған әлі көрсетпейді. Өйткені менің алдыма халықты дайындап әкелетін елшілер бар. Христиан мен ислам әлемінде қазір жұмыс жүріп жатыр.

- Қазақта сізге дейін де елшілер болған ба?

- Оның аты белгісіз, бірақ болған, елішісіз халық болмайды. Жалпы айтады 124 мың елші мен пайғамбар жібердім. Оның ішінде сен білмейтіні қаншама деп Мұхамедке айтады. Сол секілді қазақ жерінде де талай талайы өткен.

- Сіз өзіңіз қазір қайда жұмыс істейсіз. Діни бірлестік па әлде қалай?

- Жоқ мен қазір фейсбукте отырмын. Болғаны сол.

- Ал мына жазғандарыңызға, айтқандарыңызға Діни басқармадан немесе дін саласының мамандары ескерту айтқан жоқ па?

- Айта алмайды ешқайсысы. Айтпайды да.

- Неге?

- Өйткені олардың өздерінде білім жоқ, надандық.

- Олар да діни білім алған, оқу бітірген адамдар ғой.

- Алдында мен не айттым,бүкіл исламға берілмеген білімді олар қалай айтады.

- Жаңағы рух мәселесін айтасыз ба?

- Иә. Бұл былай ғой. Бұл амбиция. Ислам діні келді де басқаның бәрі өтірік, біздікі ғана ақиқат деді. Христиан діні де «жоқ, бізден басқаның бәрі өтірік» дейді. Олар бөліп алған бәрін, өздеріне барына риза.Бірін бірі жамандап, бірін бірі жоққа шығарады. Алланың діні бәрі ортақ, адам баласы бір ғана дінде болған негізі. Мына көлдегі әр бақа өз батпағын мақтайды. Қалғанын білмейді. Мүмкін оның ар жағында тұнық көл жатқан шығар. Олар оны білмейді. Исламда да, христианда да тура солай.

- Әлеуметтік желіде өзіңізді «жыланшы» деп көрсетіпсіз. Оны қалай түсінеміз?

- Мен айттым ғой Иса пайғамбардың, Мұса пайғамбардың Мұхаммед пайғамбардың барлық қадыр-қасиеттері маған берілген. Менің қолымда қазір «жылан таяқ» бар. Кезінде Мұса пайғамбардың Египетке алып шыққан жылан таяғы бар ғой, сол жылан таяқ қазір менде.

- Ол сізге қай уақытта, қалай тиіп жүр?

- Оны қайтесің. Сен бүгінгіні, ертеңді айт, өткенді қайтесің. Қай уақытта, не үшін ол.

- Білгіміз келеді ғой?

- Мало ли что, любопытной Варваре на базаре нос оторвали, дейді. Керегі не оның. Бүгінгі мен келешекті ғана айтсаңшы.

- Жарайды онда келешекті айтайық. Қолыңызда жылан таяғыңыз бар екен. Болашақта оны қалай пайдаланасыз, елші ретінде қалай жұмыс істемекшісіз, қандай іс-әрекеттерге барасыз?

- Оны неге мен айтуым керек.

- Енді сіз келешекті айт дедіңіз ғой.

- Жоқ, болашақта айтым ғой, екі діннің басын қосамыз, болды. Сол жеткілікті. Ал қалғанын қайтесің, сен мүмкін шайтанның шпионы шығарсың. Мен өзімнің жоспарымды неге айтуым керек. Мысалы, сен немістердің штабына барып, планыңды айт десе айтасың ба. Сұрағың қызық-қызық екен. Адамзаттың ең басты дұшпаны шайтан. Адамда да шайтани адамдар бар.

....

- Шпион дейсіз ба, жақсы жоспарларыңызды, мақсаттарыңызды айтпайсыз. Алдағы уақытта елімізде діни ахуал қалай болады деп ойлайсыз

- Бәрінің өтірігі, жалғандықтың бет пердесі ашылады. Бәрінің өтірігін айрандай төгеміз. Қазақ халқы барлық діннің ақиқатын ұстап отырған халық. Біздің қазақ халқы өте данышпан халық. Біздің халықты Алла ерекше дайындап отырған халық. Қазақ деген халық моңғол мен қыпшақтың буданы. Қазақ деген халықтың өзі екі халықтың қосылуымен біріккен. Толерантность бәрі содан туады. Әл күнге дейін арабша Алла дегенімен өзінің аруағын ұстанған халық. Бірақ оған жеткенше көресінді көресіңдер.Оның бәрі алланың елшісін қабылдамағандықтан.

 

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть