15 жастағы оқушы қыз ана атанды. Бала өмірге келгеннен соң мәлім болған оқиғаның ақиқатын "Астарлы ақиқат" бағдарламасы анықтады, деп хабарлайды Caravan.kz медиа порталы.
15 жасында ана атанған оқушы өзін ауылдасы 26 жастағы Жалғас есімді көршісі зорлады деп ақталуда.
Жалғастың анасы Айымгүл ханым, "баламның ешқандай кінәсі жоқ, мен оған 100% сенімдімін" дейді. Ақиқат іздеп шырылдаған ана баласын бір көруге зар болып қалғандығын айтады. Себебі Жалғасты полицейлер тұтқандап әкеткен.
"Ұлымның денсаулығы орнында емес. 2015-2019 жылдары бір диагноз қойылды. Міне содан бері ем алып, емдетіп жүрмін",-дейді Айымгүл ханым.
Ал, 15 жастағы Мунираның анасы барлық күдігім тек Жалғастан. Мен қызыма сенемін, дегенді айтты.
Босанғанына 15 күн болған жас ана:
"Менің баламның әкесі Жалғас Оспанов. Осы уақытқа дейін мен еркектермен тіпті сөйлесіп көрген жоқпын, баламның әкесі — Жалғас. Мен сенімдімін.",-деп нық сөйледі.
Ақыры шындықты білу үшін жаңа туылған сәби мен Жалғастың туған ағасы Оспаннан ДНК сараптамасы алынды. Тree Gene генетикалық зерттханасының қорытындысы бойынша Жалғастың ағасы мен жаңа туған бала 100 пайыз туыс емес болып шықты. Яғни қамауда отырған күдікті Жалғас та сәбимен туыс емес болуы әбден мүмкін. Енді бұл жағдай тергеу бағытын өзгертуі тиіс.
Ана жүрегі алдамады. Баласының кінәсіз болып шыққандығына қатты қуанған анасы көз жасын тоқтата алмады.
Ал, 15 жастағы Мунираға келсек мені кітапханада, екінші рет мектеп жанында зорлады деген болатын.