Жарияланды: 540

2003-жылы Семей қаласында 1206 төтенше жағдай болып, олардан 511 адам зардап шекті

2003-жылы Семей қаласында 1206 төтенше жағдай болып, олардан 511 адам зардап шекті. Апаттардан 106 адам қайтыс болды. Бұл жайында KZ-today тілшісіне Семей қалалық төтенше жағдайлар жөніндегі басқарма бастығы Қажыбек Исабаев хабарлады.

Адам өліміне әкелетін жағдайлардың басым бөлігі жол-көлік апаттарына тиесілі. Апатты жағдайлардан 370 адам зардап шекті. Олардың 37-сі ауыр жарақаттардан көз жұмды. Өндірістік және тұрмыстық өрт оқиғалары кезінде 30 адам қазаға ұшыраса, 39 адам суға батып қайтыс болды. 2003- жылы ормандағы өрттердің саны біршама артқаны байқалады. 2002-жылы Семей өңірі бойынша 30 орман өрті тіркелсе, 2003-жылы олардың саны 76- ны құрап, 6 мың 174,7 гектар орман алқабы жанып кеткен. Өрттен келген шығын 2 млн 062,7 мың теңгеге тең. Жалпы қорытындылағанда жыл ішінде қалада орын алған төтенше жағдайлар 6 млрд 279 млн 38 мың теңгенің шығынын әкелді.

Пікір қалдырыңыз

Пікір қалдыру тіркелген пайдаланушылар ғана мүмкін