2004-жылдың 1-қаңтарынан бастап елімізде присяжныйлар соты жұмыс істей бастайды - ҚР Жоғары соты

Тиісті заң қабылданған жағдайда 2004-жылдың 1-қаңтарынан бастап елімізде присяжныйлар соты жұмыс істей бастайды. Бұл туралы ҚР Жоғары сотының төрағасы Қайрат Мәми Оралда Батыс Қазақстан облыстық судьяларының алдында сөз сөйлеген кезде мәлімдеді ,- деп хабарлайды KZ-today тілшісі. Бүгінде бұл туралы заң парламенттің қарауында жатыр.

Қ.Мәмидің айтуынша, бастапқы кезеңде присяжныйлар соты облыстық соттарда жұмыс істейтін болады. Присяжный сот төрешілерінің тізімін әкімшілік немесе мәслихат бекітеді. Әрбір облыстық соттың жанында 40-50 мәслихатшының тізімі бекітілмекші. Әрбір істі қарауға 9-дан артық емес мәслихатшы шақырылады деген болжам бар.