2005 жылдың маусымында Қазақстан Республикасындағы инфляция 0,4% құрады

Азық-түлік тауарлары рыногында өткен айда қант 3,7%, жемістер мен көкөністер - 2,7%, ет өнімдері - 0,7%, күріш - 0,6%-ке қымбаттады. Жұмыртқаның бағасы 6,6%, сүт өнімдерінің бағасы - 2,6%, ұн мен жарма бағасы - 0,2% төмендеді.

Азық-түлік емес тауарлар тобында киім мен аяқкиімнің, үй тұрмысындағы заттардың бағасы — 0,3%, жеке гигиена тауарларының бағасы — 0,4 процент өсті. Бензин 1,4%, дизель отыны — 0,6% қымбаттады.

Тұрғын үй-коммуналдық сала қызметтеріне ақы төлеу 0,4%, денсаулық сақтау және білім беру мекемелерінің қызметтеріне ақы төлеу — 0,2%, жолаушылар көлігінің және мәдениет қызметтеріне ақы төлеу — 0,1% өсті.
Бұл туралы KZ-today тілшісіне ҚР статистика жөніндегі Агенттігінен хабарлады.