2005-жылдың алғашқы жартысында "ҚазМұнайГаз" ҰК-ның табысы 25,4 процентке артты

"ҚазМұнайГаз" ҰК 2005 жылдың қаңтар-маусым айында 266 млрд. теңге табыс тапты, бұл өткен жылдың осы кезеңімен салыстырғанда 25,4 пайызға көп. "ҚазМұнайГаз" 2005 жылы 581 млрд. теңге кіріс кіреді деп жоспарлап отыр. Бұл туралы кт тілшісіне компанияның баспасөз қызметінен хабарлады.

Компания қарқынды инвестициялық саясат жүргізуде. Өз қаржысы есебінен 35,8 млрд. теңге, оның ішінде өндіріске 32 млрд. теңге инвестиция салды. Бұл өткен жылдың осы кезеңімен салыстырғанда 1,2 есе көп. Компания 2005 жылы түрлі жобаларға 154,9 млрд. теңге көлемінде қаржы салмақ.

«ҚазМұнайГаз» ұлттық компаниясына бағынышты, еншілес компаниялар 2005 жылдың қаңтар-маусым айында Қазақстан Республикасының бюджетіне жалпы сомасы 62,7 млрд. теңге салық құйды.