2005-жылдың ақпан айында еліміздегі инфляция 0,6 процентті құрады

Өткен айда жеміс-жидек-көкөніс өнімдері 5,7%-ке, балық 2,1%-ке, ет және ет өнімдері 1,2%-ке өсті. Сүт өнімдерінің бағасы 0,8%-ке қымбаттады. Соның ішінде ірімшік пен сүзбе 1,2%-ке, қаймақ 0,9%-ке, сүт пен айран 0,7%-ке қымбаттады. Май өнімдерінің бағасы 0,2% өсті. Ал жұмыртқаның бағасы 4,4%-ке, ұн 0,5%-ке, жарма өнімдері 0,3%-ке арзандады.

Азық-түлік өнімдеріне жатпайтын өнімдердің арасынан баспа өнімдерінің бағасы бір айда 1,4%-ке, киім-кешек пен етік 0,6%-ке, тазалық бұйымдары 0,5%-ке, тұрмыстық бұйымдар 0,2%-ке қымбаттады. Жанармай 4,9%-ке, дизельдік отын 1%-ке арзандады.
Ақпан айында денсаулық сақтау саласындағы қызмет құны 0,5%-ке, тұрғын-үй -коммуналды қызмет құны 0,4%-ке, білім беру және мәдени қызмет құны 0,3%-ке өссе, жолаушы тасымалының бағасы 0,3%-ке арзандады.