2005-жылдың қаңтар-сәуір айларында еліміздің барлық аймақтарында дерлік өнеркәсіп өнімінің мөлшері өсті

2005 жылғы қаңтар-сәуірде өнеркәсіп өндірісі көлемінің өсуі 2004 жылғы тиісті кезеңмен салыстырғанда, Қарағанды облысынан басқа (өндіріс көлемі 18,3%-ға төмендеген), Қазақстанның барлық өңірлерінде байқалды. Ең көп өсімге Батыс Қазақстан облысында (44,8%-ға) қол жеткізілсе, ең аз өсім Жамбыл облысында (1,6%-ға) тіркелді. Жоғары өсу қарқыны сондай-ақ Алматы (12,1%-ға), Астана (9,9%-ға) қалаларында және Маңғыстау (11,7%-ға), Ақмола (10,9%-ға), Оңтүстік Қазақстан (9,9%-ға) облыстарында байқалды. Бұл туралы KZ-today тілшісіне ҚР статистика жөніндегі агенттігінен хабарлады.

Өнеркәсіп өндірісінің орташа республикалық деңгейі 11 облыста: Батыс Қазақстан, Маңғыстау, Ақмола, Павлодар, Оңтүстік Қазақстан, Солтүстік Қазақстан, Қызылорда, Ақтөбе, Алматы және Астана мен Алматы қалаларында асыра орындалды.

Шикі мұнай өндіру Маңғыстау (9,8%), Ақтөбе (9,3%), Атырау (2,5%) облыстарында, газ конденсатын өндіру — Жамбыл (62,5%) және Батыс Қазақстан (57,3%) облыстарында өсті.
Қостанай облысында теміркенді шекемтастарды өндіру 1,8%-ке кеміді, темір кендерін өндіру 11,3%-ке артты.
Мыс кенін өндіру Қарағанды облысында өсті (17,7%), Шығыс Қазақстан облысында кеміді (8,2%).
Болат қорыту Павлодар облысында 9,1%-ке өсті, ал Қарағанды және Шығыс Қазақстан облыстарында тиісінше 28,5%-ке және 15,7%-ке азайды.
Тазартылған мысты қорыту Шығыс Қазақстан облысында 2,5 есе артты, Қарағанды облысында 6,5%-ға кеміді, өңделмеген мырышты қорыту Қарағанды облысында 38 есе, Шығыс Қазақстан облысында 2,7% артты.
Шығыс Қазақстан облысында жеңіл жолаушылар автомобильдерін шығару 57,9%-ға кеміді.
Сары май өндіру Оңтүстік Қазақстан (44,7%), Солтүстік Қазақстан (49%) облыстарында және Алматы қаласында (22,4%) өсті, ал көлемнің кемуі Астана қаласында (75%) және Ақмола (31,1%), Жамбыл (5,1%), Алматы (4,5%), Павлодар (18,5%) облыстарында тіркелді.
Тазартылған күнбағыс майын өндіру Ақтөбе (87,2%) және Шығыс Қазақстан (45,1%) облыстарында өсті.
Жеміс және көкөніс шырындарын өндіру Алматы облысында 22,9%, Жамбыл облысында 6,8% өсті.
Электр энергиясын өндіру Қызылорда (3,2 есе) Ақтөбе (2,4 есе), Жамбыл (63,6%-ға), Атырау (8%), Батыс Қазақстан (17,3%), Алматы (3,7% облыстарында өсті, ал Ақмола (4,1%) және Шығыс Қазақстан (5,1%) облыстарында төмендеді.