Оның айтуынша, жүкті болған 10 257 қыздың 6348-і жасанды түсік жасатса, 3909-ы бала тапқан. “Бұл – айрықша алаңдаушылық тудыратын жайт. Ол ата-аналар, мектептер , дәрігерлер мен азаматтық қоғам тарапынан уақыт ұттырмай іс-әрекетке көшу қажеттігін талап етеді”,- деді Р.Сәрсенбаева.
Оның пікірінше, қоғам аталмыш проблеманы шешу әдістемелерінің аясын кеңейтіп, жасөспірімдер арасында түсік жасатудың аса зияндылығы мен жыныстық жолмен жұғатын дерттердің алдын алу туралы хабардарлық деңгейін көтеру қажет. “Жастардың контрацепция мәселелері жөніндегі ақпараттардан мақұрым қалуы ауыр зардаптарға әкеліп соғуда: қазір елімізде 92 мың тастанды бала бар”,- деді Р.Сәрсенбаева.
Жасөспірімдердің денсаулығына қатысты осы және өзге де проблемаларды шешу үшін елімізде ауқымды клиникалар желісін ашу көзделіп отыр, деді салауатты өмір салтын қалыптастыру жөніндегі ұлттық орталықтың директоры Қазбек Төлебаев.
“Осындай ауруханалар еліміздің бірнеше қаласында ашылды. Алматыда және еліміздің басқа қалаларында да болашақта осындай клиникалар ашу межеленіп отыр”,- деді ол. “Балаларға тек медициналық қана емес, сонымен бірге жасырын психологиялық көмек те көрсетіледі”,- деді орталық директоры.
