2005-жылы теңгенің АҚШ долларына шаққандағы бағамы 130 теңгені құрайды - экономика министрлігі

2005-жылы базалық болжамға сәйкес, мұнайдың әлемдік бағасы бір баррельге 28,5-34,4 доллар болған жағдайда теңгенің АҚШ долларына шаққандағы бағамы 130 теңгені құрайды. Бұл туралы KZ-today тілшісіне ҚР экономика және бюджетті жоспарлау министрлігінен хабарлады.

Ал бағаның қымбаттау сценарийіне сәйкес, әлемдік мұнай бағасы бір баррельге 40 долларды құрайды. Ондай жағдайда теңгенің АҚШ долларына шаққандағы бағамы 2005-жылы 1$ үшін 128,5 теңге, 2006-жылы -127,3, 2007-жылы — 126,7, 2008-жылы — 126,1 теңге болмақ.

Ал бағаның арзандауына негізделген жорамалға сәйкес бір баррель мұнайдың бағасы 22-24 доллар болған жағдайда 2005-жылы 1$ үшін 130 теңге, 2006-жылы -130,2, 2007-жылы — 130,6, 2008-жылы — 131,1 теңге болмақ.