Сонымен қатар, С. Айсағалиева өткен жылы Қазақстанның кәсіпкерлер форумы республиканың транзиттік дәліздеріне мониторинг жүргізгендігін атап өтті. «Осы күнге дейін Қазақстан — Ресей федерациясының шекарасы, Қорғас — Бішкек, Қорғас — Ташкент арасындағы транзиттік автомобильдік көлік дәліздеріне мониторинг жүргізілген. Сонымен қатар Қырғызстан мен Тәжікстанда көлік дәліздеріне мониторинг жүргізілді»,- деді ол.
Қазақстанның кәсіпкерлер форумының 2006 жылғы қызметін қорытындылаған есептегі зерттеудің нәтижелерінде көрсетілгендей,»көлік құралдарының шекарада бөгелетін жалпы уақытының 4 пайызы ғана тікелей кедендік рәсімдеуге кетеді. Ал қалған уақыт шекарадағы басқа қызметтердің іс-қызметіне байланысты»,- деп айтылған.
Сондай-ақ, «Қорғас — Бішкек дәлізіндегі көліктердің нақты жылдамдығы сағатына 16 шақырым болса, Қорғас — Ташкент дәлізінде сағатына 23 шақырымды құрап отыр». Ал, зерттеуге сәйкес Қазақстанның өз ішінде көліктер ең көп тексерілетін аралық — Қорғас — Алматы бағыты, бұл бөлікте жиі тексеруге шығатын көлік бақылауы көліктердің көп бөгелуіне себеп.
Мониторингіге жүргізушілерден сұхбат алу, бақылаушылардың көлік дәліздері арқылы жүріп өтуі, сыртқы экономикалық алыс-беріске қатысушылар мен кедендік брокерлерге сауалнама жүргізу, уақытша сақтау қоймасына мониторинг жүргізу қамтылған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
