“«KazSat» жер серігін ұшыру бізге қазір шетелдердің жер серіктерін пайдаланып отырған барлық операторларды «KazSat» жер серігіне көшіруге мүмкіндік береді. Байланыс операторлары қазір шетелдік спутниктік ұйымдарға төлеп отырған 25-27 млн. доллар Қазақстан экономикасында қалатын болады”,- деді А.Жұмағалиев.
Оның хабарлауынша, «KazSat-2» жер серігін 2,5 жылдан кейін ұшыру межеленіп отыр. “Қазақстандағы байланыс операторлары мен Орталық Азиядағы операторлар тарапынан дәл осы мерзімге дейін қосымша сұраныс пайда болатыны анық”,- деді агенттік төрағасы. “Жер серігінің қызмет көрсету аймағына араб елдері мен Ресейдің орталық бөлігі қамтылады”. Қазақстанның екінші жер серігі 2014-жылға дейін тұтынушылармен толығады, деді ол.
