2015 жылға қарай Қазақстанда жұмыссыздық деңгейі 5,5%-дан аспайды

Халықты еңбекпен қамту жөніндегі мемлекеттік бағдарлама бойынша 2015 жылға қарай Қазақстанда кедейшілік деңгейін 6%-ға дейін, ал жұмыссыздықты - 5,5%-ға дейін төмендету көзделіп отыр.

Бұл туралы үкіметтің дүйсенбі күнгі селекторлық отырысында Еңбек және халықты әлеуметтік қорғау министрі Гүлшара Әбдіхалықова мәлім етті.

Осы бағдарламаның нобайлы нұсқасын жүзеге асыру үшін биыл республикалық бюджеттен 40 млрд теңге бөлінген болатын. Ол бойынша 100 мыңнан астам адамға мемлекеттік қолдау көрсету көзделіп отыр.
Іс жүзінде бағдарлама биылғы жылдың шілде айынан бастап іске қосылады.