Өткен жыл мигранттар үшін ең қауіпті жыл болды – 8540-тан астам адам қаза тапты. Олардың 60%-ы суға батып кеткен.
Эгей теңізіндегі түрік жағалауынан грек аралдарына дейінгі теңіз маршрутының бөлігі мигранттар мініп өтетін қайықтарға өте қауіпті.
2024 жылы да бұл тенденция алаңдатарлық жағдайда қалып отыр. Жерорта теңізі бағытында қаза тапқандар саны бұрынғыдай жоғары, 1 қаңтардан бастап 956 адам қайтыс болды.
БҰҰ мәліметтері бойынша, мигранттар арасындағы әрбір үшінші өлім қарулы қақтығыстардан қашу кезінде болған. Қайтыс болғаны расталған мигранттардың үштен екісінен астамы белгісіз қалып отыр.
ХКҰ 2024-2028 жылдарға арналған жаңа стратегиялық жоспарды қабылдады. Оның басты мақсаты – көші-қон процесінде адамдардың өмірін сақтау және қорғау. Ол үшін БҰҰ көші-қон агенттігі елдерді және басқа серіктестерді мигранттар арасындағы жоғары деңгейдегі өлімді тоқтату және бүкіл әлем бойынша көші-қон жолдарында ондаған мың адамның өлімінің алдын алу үшін бірлесіп жұмыс істеуге шақырады.