Сондай-ақ жел күшейіп, республиканың оңтүстік шығысы мен шығысында бұршақ түсуі мүмкін. Түнде елдің солтүстік бөлігінде кей жерлерде тұман түсуі ықтимал.
«Қазгидромет» РМК-ның ақпаратынша, Ақмола, Павлодар, Қарағанды, Жамбыл, Оңтүстік Қазақстан облыстарының кей жерлерінде 15-20 м/с жылдамдықпен жел соғады.
Қостанай, Солтүстік Қазақстан облыстарының кейбір жерлерінде күндіз 15-20 м/с жылдамдықпен жел тұрып, түнде және таңертең тұман түседі.
Алматы, Шығыс Қазақстан облыстарының кей жерлерінде жел 15-20 м/с жылдамдыққа дейін күшейіп, бұршақ түсуі ықтимал.
Ақмола, Қостанай, Солтүстік Қазақстан облыстарында түнде кей жерлерде 1-3 градус суық болады.
Ақтөбе, Қызылорда, Оңтүстік Қазақстан облыстары, Алматы, Жамбыл, Қарағанды, Атырау, Батыс Қазақстан, Қостанай облыстарының кей жерлерінде төтенше өрт қауіптілігі сақталуда.
