Баспасөз қызметінің ақпаратына сәйкес, есірткі сатушы жексенбі күні Әуезов ауданында ұсталды. 38 жастағы ер адам есірткіні Өтеген батыр көшесінің бойындағы өз үйінің ауласында сатуға әрекет жасаған. Оперативтік қызметкерлер күдіктінің пәтерінен ішіне шөп салынған екі қап тапты. Марихуананың жалпы салмағы 32,5 килограмм болып шықты.
Тұтқын уақытша тергеу қапасына қамалды.
Жалпы алғанда өткен аптада Алматылық тәртіп сақшылары есірткі сатумен шұғылданған 19 адамды қолға түсірді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
