Instagram желісіндегі танымал парақшалардың бірінде елордада көшенің қақ ортасында жүгіріп жүрген қойдың видеосы тарады деп хабарлайды Paryz.kz.
Видео авторының айтуынша, ол "Хан Шатыр" ойын-сауық орталығы маңында жүрген.
Қойдың соңғы рет осылай қашып бара жатқаны шығар. Оқырмандардың бірі төрт түлікті кеше Хан-Шатыр маңында, түс уақытында көрдік дейді. Құрбан айт қабыл болсын, — деп жазған видео авторы.
Желі қолданушылары "Қойдың түрін-ай, енді күнімен күлкім тыйылмайтын болды ғой", "Мәссаған, өткенде бұқа қашып еді, енді қой, бәрі елордада болып жатыр, естімеген елде көп деген осы болды", "Қайта көлік қағып кетпеген, әйтпесе обал болатын еді", "Алдында бұқа, енді қой, елордалықтарға не болды өзі?", "Несі күлкілі, ағайын, қой қасапшылардан қашып кеткен болар, иесі табылатын шығар", "Қойды құрбандыққа шалғысы келген қожайыны табылды ма екен, табылмаса басқа біреулер қойды ұрлап кететін болды ғой" деген пікірлерін жарыса жазып жатыр.
