«Біз өз алдымызға 2015 жылға қарай бұл көрсеткішті екі есеге дейін арттырып, 300 миллиард теңгеге жеткізуді міндет етіп қойып отырмыз. Осылайша, көрсеткіш 2008 жылмен салыстырғанда 30 есеге ұлғаятын болады», — дейді А. Мамин. Оның айтуынша, 2015 жылға қарай темір жол саласындағы шығарылатын машина құрылысы өнімдерінің жартысына жуығы Кеден одағы мемлекеттеріне және басқа да елдерге экспортталатын болады.
Естеріңізге сала кетейік, «Атамекен» одағы» ҰЭП президиумының отырысында негізінен тауарлар, жұмыстар мен сатып алудағы қазақстандық қамту мәселесі талқыланған болатын.