40 жыл бойы тыныш жатқан жанартау қайта оянды

Камчаткада 40 жыл бойы сырын ішіне бүгіп жатқан «Толбачик» жанартауы атқылап жатыр. 27 қарашадан бері аспанға от пен күл шашып жатқан лаваның ауқымы 18 шақырымға жетті.

Мұнда төтенше жағдай жарияланды. Маңайындағы елді мекендердің тұрғындары мен туристерге жанартау маңына жақындауға тиым салынды. Еске сала кетсек, «Толбачик» жанартауы соңғы рет 1975 жылы атқылап, оның соңы экологиялық ірі апатқа ұрындырған еді.